Pages Navigation Menu

Stráka- & pókerklúbbur

Siðareglur Bjólfs

1. Ekki gera fyrr en komið er að þér.

2. Ekki skvetta í pottinn. Þegar spilari veðjar skal hann setja spilapeningana inn á borðið beint fyrir framan sig þannig að aðrir geti séð og talið upphæðina, ekki blanda saman við pottinn.

3. Aldrei tala um spilin á borðinu. Það er ekki góður siður að tala um eða sýna viðbrögð við borðspilunum, sérstaklega ekki ef spilari hefur pakkað.

4. Alltaf að segja hátt og skýrt hvað þú ert að gera. Ekki veðja einungis með því að ýta peningum inn á borðið. Hið rétta er að segja veðmál munnlega og setja síðan rétta upphæð inn á borðið. Munnlegt veðmál gildir umfram það sem gert er.

5. Ekki fjölveðja (string betta). Fjölveðmál er þegar spilari segir „ég kalla…“ og bætir svo við „og hækka um…“ eða telur hækkunina í nokkrum hlutum. Þetta er stranglega bannað og það gildir sem spilari sagði fyrst, t.d. ef spilari segir “ég kalla og hækka um 500” fær spilari einungis að kalla. Ítrekað fjölveðmál er litið alvarlegum augum og getur spilari átt von á refsingu, t.d. að sitja úti í 15 mínútur.

6. Ekki gagnrýna gjörðir annarra spilara. Allir hafa rétt á að spila eins og þeir kjósa og menn eru einfaldlega misgóðir og mislangt komnir.

7. Sýndu einum, sýndu öllum spilin þín Ef þú kýst að sýna einhverjum spilin þín sem þú ert að pakka eða varst að vinna á óséð ber þér skylda að sýna öllum við borðið spilin.

8. Vertu vakandi og settu blindan tímalega út.

9. Hafðu spilin þín ávallt sýnileg ef þú ert með í potti. Ef þú ert að gefa átt þú að safna saman spilum sem hefur verið pakkað og brenndum spilum þannig að þau valdi ekki ruglingi.

10. Hafðu spilapeningana þína vel sýnilega. Meðspilarar eiga að geta talið staflann þinn án teljandi fyrirhafnar.

11. Sýndu bæði holuspilin strax. Þegar kemur að uppgjöri í lok síðustu veðlotu og þú átt að sýna spilin skaltu ekki sýna annað spilið í einu eða draga að sýna bæði spilin, sérstaklega ekki þegar þú vinnur stórt.

12. Sýni virkur spilari viljandi annað eða bæði holuspil sín jafngildir það að pakka.

13. Þegar leikmenn eru allir inn (all-in) skulu þeir sýna spilin. Þetta á við þegar að engir leikmenn geta haldið áfram að veðja, þá skal sýna spilin áður en spilið er klárað.

14. Fjarverandi leikarmaður pakkar höndinni sinni. Ef leikmaður er ekki í sæti sínu þegar kemur að honum er litið svo á að hann pakkar höndinni.

5 Comments

  1. Ánægður með þetta…fer að verða góður viskubrunnur hérna með margt gott sem tengist góðu og “heiðarlegu” spilakvöldi…nú vantar okkur bara að setja upp reglur sem skýra póker og síðan setjum við upp síðu sem upptelur basic hlutina sem þarf til að skella saman pókerkvöldi…

    En aftur, frábært hvað Formaðurinn er duglegur að halda síðunni við.

  2. Snilld Elli. Vantar bara 13. spila ávallt heiðarlega.:)

  3. Þetta er mjög gott framtak.

    Regla 13 er given!

  4. Það er spurning hvort við útnefnum ekki siðprúðasta Bjólfsspilarann 2011 þarnæstu helgi…algjör óþarfi að útnefna þann heiðarlegasta, við vitum hver það er 😉

  5. Vill bara benda á siðareglu númer 6 sem var brotinn í síðasta hittingi af Gísla.
    “Ekki gagnrýna gjörðir annarra spilara. Allir hafa rétt á að spila eins og þeir kjósa og menn eru einfaldlega misgóðir og mislangt komnir.”

    sagði við mig í fyrstu roundum að maður ætti að folda oftast.. það tók mig út af laginu eftir að hafa unnið pott og því endaði spilamennska mín eins og hún endaði… !! 🙂

Leave a Comment

Your email address will not be published. Required fields are marked *