Pages Navigation Menu

Stráka- & pókerklúbbur

Mótafyrirkomulag

Spilað er Texas Holdem – no limit – unlimited rebuy first hour

Upphafsstafli 15.000 chippar
Buy in 2.000 kr. (1.000 kr. fer í lokapott)
Rebuy (ótakmarkað fyrstu 2 loturnar) 1.000 kr. (15.000 chippar)
Blindralotur 30-20-15 mínútur
Hlé Eftir hentugleika

 

Upphafsstafli er 15.000

100 kr.
500 kr.
1000 kr.
5000 kr.
Fjöldi 10 6 6 1

 

Strúktúr miðast við vinalegt mótafyrirkomulag þar sem menn spila af heiðarleika 😉

Spilurum er heimilt að kaupa sig inn (buy in) fyrir þriðju lotu (u.þ.b. 60 mín. frá upphafi móts). Ef þeir mæta eftir hlé er tekið af staflanum þeirra fyrir blindum frá 3. lotu.

Reglur um rebuy og add on

Hver spilari má gera ótakmörkuð rebuy fyrstu tvær loturnar (yfirleitt fyrsti klukkutíminn, nema í bústað eru lotur lengri). Öll rebuy bætast við pott kvöldsins. Rebuy kostar 1.000 kr. (15.000 chippar).

Afbrigði

Afbrigði af þessum strúktúr er þegar allir spilarar kaupa sig inn fyrir 3.000 kr. og fá 30.000 chippa, sem fyrr fer 500 kr. í lokapott. Þeir ráða hvort þeir taka þessa auka 15.000 chippa strax eða geyma þá. Leyfilegt er að bæta aukastaflanum við hvenær sem er, en þó ekki í miðri hönd. Þannig geta spilarar stækkað við sig eða fengið staflann ef þeir eru slegnir út. Allir spilarar sem ekki hafa fengið aukastaflann sinn í upphafi 3. lotu fá hann þá. Athugið að þessir 30.000 chippar eru þeir einu sem spilarar fá og engin rebuy eða add on eru leyfð.

Fyrirkomulag peningaverðlauna

Hvert mót er sjálfstætt og á skipuritinu hér að neðan sést hlutfall peningaverðlauna milli sæta:

Sæti <10 spilarar 11-14 spilarar 15-18 spilarar
1 65% 50% 40%
2 35% 30% 30%
3 20% 20%
4 10%

Að auki er 1.000 kr. í bounty á sigurvegara síðasta móts.

 

Fyrirkomulag stiga

Auk peningaverðlauna safna meðlimir stigum við hvert buy in og í hlutfalli við það sæti sem þeir lenda í hvert mót. Meðlimir þurfa að vera viðstaddir þegar þeir eru slegnir út til að fá stig. Stigafjöldinn er breytilegur eftir fjölda meðlima, óháð öðrum spilurum (gestum).

 

Dæmi um mót með 10 meðlimum:

Sæti Stig
1 10
2 9
…síðan koll af kolli.

 

Lokapottur

Hvert buy in skilar 500 kr. í lokapott sem skiptist milli þriggja stigahæstu meðlima eftir fyrirfram ákveðið tímabil.

 

Skipting peningaverðlauna úr lokapotti

Sæti Hlutfall
1 50%
2 30%
3 20%

 

Ef meðlimir verða jafnir að stigum verður sá sem hefur tekið þátt í færri mótum ofar í sætaröðinni.

Ef um jafnmörg mót er að ræða gildir eftirfarandi:

Ef tveir verða jafnir í 1. eða 2. sæti, dettur 3. sæti út og bætast verðlaunin við það sæti sem skiptist milli manna.

Dæmi: Ef tveir eru jafnir í 1. sæti, dettur 3. sæti út og bætast við 1. sæti sem verður þá 70%. Þannig fá báðir sigurvegarar 35% og 2. sæti 30%.

Ef fleiri en tveir deila með sér 1. sæti, detta 2. og 3. sæti út og allir sigurvegarar deila pottinum milli sín.

Ef tveir verða jafnir í 1. og 2. sæti (samtals 4 aðilar) dettur 3. sæti út og skiptist milli tveggja efstu sætanna. Þannig bætist 10 % við 1. sæti og 10% við 2. sæti.

Ef tveir eða fleiri verða jafnir í 3. sæti skiptast verðlaunin jafnt milli meðlima.

 

Bjólfsmeistari

Að loknu hverju pókerári er Bjólfsmeistarinn krýndur. Um er að ræða heiðurinn að nafnbótinni og meistaraderhúfu sem henni fylgir.

Stigahæsti meðlimurinn í öllum mótum hlýtur titilinn Bjólfsmeistari viðkomandi ár. Til að byrja með verður útkljáð með pókereinvígi ef menn verða jafnir að stigum.

 

72 leikurinn

Til að að gera spilið enn skemmtilegra eru aukaverðlaun fyrir þann meðlim sem vinnur oftast með sjöu og tvist á hendi. Leikurinn/höndin telur eingöngu fyrstu fjórar loturnar í hverju móti. Leikurinn stendur yfir allar þrjár mótaraðirnar og fær sigurveginn 72 bjóra að launum (kippa af bjór á mann).

Engar reglur eru um hvers konar tegund eða stærð meðlimir skulu kaupa en litið er á að ölið standi fyrir innri mann gefanda. Ef meðlimir verða jafnir skiptast bjórarnir milli þeirra.

Uppfært 2015: Split-pot gefur ekki bjórstig.

Fara efst á síðu