Pages Navigation Menu

Pókerklúbbur

Most Recent Articles

Bjólfur XIII – þriðja kvöld

Posted by on 5. Nov 2022 in Fréttir, Mót | 0 comments

Bjólfsbræður í nóvember 2022

Það var flottur hópur sem mætti til Hr. Hugins í gær á þriðja kvöldið í 2022-23 tímabilinu…betur þekkt sem Bjólfur XIII. Það fór rosalega vel um að vanda og þó ekki væri kominn pottnum þetta árið þá kom það ekkert að sök og gott að eiga það inni til að toppa 🙂

Bjór

Fullt af mönnum sem gerðir upp þakkir sínar við bjórguðinn og það voru jólin hjá Kapteininum…sem mátti nú bara þakka fyrir að komast með allar byrgðirnar heim 🙂

Fyrsta bjórtsig tímabilsins


Bjórstig

Þegar að loksins var búið að gefa nóg til bjórguðsins hlaut að koma að því að bjórstig kæmi í hús og var það Bótarinn sem tók fyrsta stigið á tímabilinu.

Hann leiðir því alla með einu stigi meira en allir aðrir 😀 og með þessu áframahaldi gæti verið að það verði bara þrjú stig sem skila sér…eitt í hverri mótaröð 🙂

Sögustund

Sögustund í hléi

Það var mikil eftirvænting fyrir hléi þ.s. þurfti að fara yfir nýjar sögur og alltaf gott þegar þeim er haldið til haga og byrjað að fínpússa þær fyrir framtíðina 🙂

Spilið

Eftir hlé, sögustundir og hlátrasköll hélt spilið áfram og alvar tók við þegar menn byrjuðu að detta út.

Bennsi var fyrstur til að standa upp…kannski ekki vanur að spila svona mikið þ.s hann mætti líka á síðasta mót 😉

Hr. Huginn var ekki að fá heimavöllinn með sér og næstur frá borði á fyrsta kvöldinu sínu í ár en fékk nýjan bjólfsbol.

Bótarinn var þriðji maður út, eftir gott gengi á síðasta kvöldi náði hann ekki að fylgja því eftir.

Þá voru átta eftir og sameiðan á lokaborðið.

Killerinn sem ákvað að mæta á síðustu stundu varð að láta sér nægja að fá nýjan bjólfsbol, en kominn með eitt kvöld.

Kapteinninn náði ekki að halda áfram að vinna sig upp um sæti og 7. sætið raunin í kvöld eftir að hafa byrjað á 4. sæti á fyrsta kvöldi og 3. sæti síðast.

Lucky hélt hann fengi að hirða blinda þegar hann fór allir inn með snjókalla (áttupar) en Massinn hugsaði sig vel og lengi um og sá hann með tíur og Lucky út í 6. sæti.

Sigurvegarar kvöldsins

Spaða Ásinn hélt áfram góðu gengi og þó það væri bara 5. sætið í kvöld þá landaði hann 3. sætinu í fyrstu mótaröðinni og kom því út í plús á kvöldinu.

Massinn mætti ákveðinn til leiks og var ekkert að gefa afslátt þó að Robocop væri fjarverandi og þeir í mestu keppninni um meistaratitilinn. Massinn endaði í 4. sæti í kvöld en langhæðstur í mótaröðinni og þar sem meistarakeppninni.

Hobbitinn varð að láta sér nægja að taka bubble sætið, þrátt fyrir að hafa verið seigur með 6-2…og fagnaði grimmt og öskraði “…og lægsta spilið” þear tvistur á river bjargaði honum stuttu áður frá því að detta út.

Iðnaðarmaðurinn landaði 2. sætinu og

Mikkalingurinn heldur áfram að bæta sig, fyrsta kvöld 7. sæti, annað kvöld 5. sæti og nú sigur og náði í annað sætið í mótaröðinni og bjólfsmeistarakeppninni.

Staðan

Massinn er með gott forskot eftir fyrstu mótaröðina með 55 stig og fimm stigum á undan Mikkalingnum. Bótarinn er eini maðurinn með bjórstig. En það er nóg eftir af tímabilinu og enn sex sem hafa mætt á öll kvöldin, erfiðara fyrir aðra að vinna upp það forskot.

Allar nánar um stöðuna á Bjólfsmeistarinn 2023 (og staðan hérna fyrir ofan).

Frábært kvöld á frábærum stað <3

Read More

Bjólfur XIII – annað kvöld

Posted by on 8. Oct 2022 in Fréttir, Mót | 0 comments


Bjólfsbræður í október 2022
Bjórfórn

Bjór

Timbrið færði sínar fórnir til Bjórguðsins og tók hann á móti þeim…þó svo að það væri ekki það sem hann hafið óskað sér þá var hann ekkert opinberlega með neinar yfirlýsingar um bölvun eða vont gengi.

Annað kvöldið í röð komu engin bjórstig í hús og eru því allir jafnir með engin stig.

Spilið

Það var spilað á tvemur borðum og máttu menn sitja þröngt á “nýja” hliðarborðinu sem Iðnaðarmaðurinn var búinn að redda (eftir síðustu uppákomu á hliðarboðinu 😉

“Þið getið ekki ímyndað ykkur hvað margar gamlar konur hafa spilað við þetta borð”

-umsögn um “nýja” boðið hjá Iðnaðarmanninum

Á hinu borðinu var spilað grimmt og byrjaði Robocop að stafla sig vel upp og búinn að margafalda sig eftir nokkur spil og menn duglegir að kaupa sig aftur inn.

Menn höfðu nú ekki miklar áhyggjur af því hvað gerðist fyrir hlé þ.s. það snýst oft eftir hlé.

Timbrið var fyrsti maður til að yfirgefa spilið…spurning hvort Bjórguðinn hafi eitthvað átt þátt í því þar sem hann fékk ekki það sem hann óskaði sér (kannski öruggara að færa honum það sem hann biður um 😉

Næsti maður úr spilinu var Lucky sem hafði lítið gert eftir að hafa farið allur inn í fyrsta spilin á móti Robocop sem tók hann á river…sem var eitthvað sem Robocop gerði oftar um kvöldið.

Bennsi náði inná lokaborðið en tók lítið að chippum með sér þangað og endaði fljótt allur inn án þess að skoða spilin og endaði með alls ekki neitt. Á þessum punkti voru LANG flestir chippar hjá Robocop sem var búinn að halda sínu striki frá fyrsta spili.

Lokaborðið séð frá Spaða Ásnum (sem vantar á myndina)

Spaða Ásinn náði ekki jafn langt í þetta skiptið og endaði fjórði maður út.

Heimavöllurinn dugði ekki lengra fyrir Iðnaðarmanninn sem var fimmti út…endaði á að vera tekinn af Robocop á river.

“Af hverju er ég með þúsarann?”…”Það eru svaka læti þér…var rosa rólegt hérna áður en þú komst”

-Iðanarmaðurinn og Massinn að spjalla við upphaf sameiningar á lokaborð

Mikkalingurinn játaði sig sigraðan næstan og Kapteininn fylgdi honum stuttu eftir.

Þegar hér var komið sögu voru Massinn og Bótarinn með örfáa spilapeninga…Massinn þó stærri…en nánast allir chippar voru enn hjá Robocop.

Sigurvegarar kvöldsins

Massinn fór allur inn og var séður af Robocop (enda minnkaði ekkert í staflanum hans) sem sendi Massann í bubble sætið.

Bótarinn gerði heiðarlega baráttu og náði eitthvað að stækka sig en tók svo fljótlega annað sætið.

Robocop byrjaði fyrstu hönd kvöldins á að hreinsa upp Lucky og tók allnokkra á river…það átti enginn roð í hann og hélt hann forystunni frá fyrsta til síðasta spils. Án þess að glugga í bókhaldið þá telur greinahöfunur líklegt að Robocop hafi ekki tekið sigur síðan hann náði sínum fyrsta sigri í bústanum 2013…þá þurfti hann reynar að hafa meira fyrir honum…þurfti engan dramaleik í kvöld ;). Sannfærandi sigur frá upphafi til enda og augljóst að Robocop er mættur.

Bjólfsmeistarakeppnin

Massinn leiðir nú með 38 stig, Robocop í öðru með 37 og Kapteininn og Spaða Ásinn með 33 stig þegar að eitt kvöld er eftir í fyrstu mótaröðinni.

Allar frekar upplýsignar í STAÐAN (hérna fyrir ofan) eða á Bjólfsmeistarinn 2023

Verðlaunafé var breytt fyrir þetta tímabil og fer nú meira í mótaraðirnar (bústaðapotturinn færður inní mótin) og áætlað að fyrstu þrjú sætin fyrir þessa mótaröð verði 14 þúsund fyrir fyrsta sæti, 8 þúsund fyrir annað sæti og 5 þúsund fyrir þriðja sæti…þannig að það er spennandi keppnin í mótaröðinni sem klárast á næsta kvöldi og verður þá greitt út.

Skemmtilegt að sjá að nýja menn vera að skáka fyrrum Bjólfsmeisturum og verður spennandi að fygljast með hvernig tímabilið þróast og menn ná að halda þetta út eða gömlu meistararnir taki þetta á þrautsegjunni.

Read More

Breytingar á verðlaunafé

Posted by on 1. Oct 2022 in Reglur | 0 comments

Breyting var gerð fyrir XIII tímabilið að ekki er lengur verið að leggja 500 kall af buy-in í bústaðapott. Hann hefur verið færður alfarið yfir í verðlaunafé fyrir mótaröðina og ætti því að koma þeim sem sem mæta vel í mótaröð en ná kannski ekki í verðlaunasæti en ná í eitt af efstu sætunum í mótaröð (3 kvöld telja í mótaröð).

Þannig að engin breyting er á buy-in, aðeins verið að leggja niður bústaðapottinn sem var settur á til að auðvelda með kostnað við bústaðaferðir (og hugsanlega auka verðlaunþar)…en með hækkunum á árgjöldum hefur það verið mun minna mál síðustu ár og því óþarfi í dag.

Verðlaunafé fyrir mótaraðir mun því tvöfaldast frá því var, og verða c.a. 12/7/5 þúsnd (en var áður 6/3/2) og því verið að gera meira fyrir þá sem standa sig vel í þremur kvöldum sem telja í mótaröð.

Þetta gæti orðið til þess að færri 500 kallar koma inn og gæti breytt hvernig verðlaunum er skipt og verður jafnvel meira nálgað uppí þúsund héðan í frá.

Read More

Blindralotur uppfærðar

Posted by on 1. Oct 2022 in Fréttir, Reglur | 0 comments

Smávægilegar breytingar hafa verið gerðar á blindralotum eftir síðasta mót þar sem skipulagið var ekki alveg komið í gang og ruglaði menn aðeins.

Fyrstu 4 loturnar eru 30 mín og þá eru bjórstigin í gildi. Þetta var eitthvað skakkt við uppsetninguna á mótinu síðast og 20 mín lotur fóru í gang…en er nú væntanlega búið að tryggja að gerist ekki aftur þar sem lotur hafa verið uppfærðar í iPaddinum og búið að stilla fyrir næsta mót.

Eftir fyrstu 4 loturnar eru spilaðar 3×20 mín lotur og að þeim loknum eru bæði rauðir og grænir chippar teknir út og blindir hafa verið hækkaðir til að auðvelda og flýta spilinu þegar svona langt er komið.

Sjá nánar á uppfærði síðu fyrir Blindralotur.

Read More

Bjólfur XIII – fyrsta kvöld

Posted by on 3. Sep 2022 in Mót | 0 comments

Bjólfsbræður í septemberbyrjun 2022

Það varð tvísíýnt hvort yrði af fyrsta mótinu þegar að Iðnaðarmaðurinn þurfti skyndilega að afkalla heimboðið…og þrátt fyrir að hafa boðið fram að hýsa okkur næstu helgi var of mikill spenngingur í mönnum…sem og að planið er komið á blað og alltaf reynt að halda því þannig að menn geti skipulagt líf sitt í kringum það 😀

Mikkalingurinn bauð heim í staðin og þetta jafnvel í eitt af fyrstu skiptum síðustu 10+ ára sem við hittumst ekki hjá Iðnaðarmanninum í upphafi tímabils…fyrir utan 2020 þegar við byrjuðum á rafmóti.

Einhverjir voru nú eitthvað ósáttir við að það væri ekki heitur réttur, eða kaka í boði í hléi…og engin köld glös fyrir bjórana…en þess fyrir utan fór notalega um okkur og líklega nokkur ár síðan við hittumst hjá Mikkalingnum þ.s núverandi formaður var að koma þar í fyrsta skipti.

Pistlahöfundur viðurkennir líka að það var frekar kvikindislegt að taka myndskeið af því þegar hann tók Iðnaðarmanninn af listanum yfir spilara kvöldins og sendi á hópinn…en þetta var bara svo táknrænt og sorglegt að hafa hann ekki meðal okkar <3

Bjórguðarþakkir

Það voru tveir sem færðu bjórguðnum gjafir sínar og tók hann sáttur á móti þess sem hann hafði óskað…eitthvað var nú sjálfan ekki að gera sig og þarf að passa að láta einhvern minna skjálfhentan taka myndir frekar 😀

Engin bjórstig komu í hús á fyrsta kvöldi þannig að bjórkeppnin fer rólega af stað í ár.

Spilin

Merktir bolir…merktir chippar…merkt spil
Nýju spilin

Það verður að segjast að nýju spilin koma hrikalega vel út og ekki leiðinlegt að horfa yfir merkta félaga, með merkta chippa og með merkt spil í hönunum…næst hlýtur að vera merktur bjór 😉

Nýju spilin eru reyndar bara tvílit (rauð/svört) þar sem 4 lita stokkarnir reyndust mönnum erfið…en það virtist nú að þessir hefðbundnu tveggja lita væru aðeins að vefjast fyrir mörgum og einhver hélt hann væri með 2 spaða á hendi þegar það var spaði og lauf 😀

Ohhhh, ég hélt ég væri með tvo spaða

“Litblindur” Bjófari

Spilið

Lokaborðið á fyrsta kvöldi Bjólfur XIII

Það var einkennandi fyrir kvöldið að ef einhver fór allur inn og var á hættu á að detta út þá vann sá hinn sami. Meira að segja voru 3 allir inn í einu spili (auk 4. spilara sem átti fleiri chippa) og endaði þannig að enginn datt út og allir fengu peninga til baka.

Spilið byrjaði aðeins seinna en áætlað og dróst (aðallega vegna þess að enginn var að detta út 🙂

Nýji spilastokkskassinn

Einhverjir byrjunarerfiðleikar voru til staðar…blindir ekki alveg réttir…sumir búnir að gleyma hvernig á að gefa…en Mikkalingurinn hafði engu gleymt og gaf eins og engill…og síðan mætti aðlaga chippa á blindum aðeins í hærri stigum til að fækka spilapeningstegundum.

Í hléi var síðan tekin góð pása og farin yfir málin. Einhverjir voru ekki sáttir við að bjórinn væri gerður upp í óáfengum þar sem bjórguðinn í ár hafði óskað eftir því og þurfti að fara í sauma á því. En sá sem er bjórguðinn setur bara fram óskir og menn ráða hvernig þeir gera upp eins og alltaf og muna bara að það er gott að styggja ekki bjórguðina 😉

Þegar hlé og umræðum lauk var haldið áfram þar sem frá var horfið og þegar að blindir voru komnir vel á skrið fóru menn að detta út.

Náði að spila mig út úr stórum

Fleyg setning frá fyrsta kvöldi Bjólfur XIII

Bótarinn var fyrstur til að yfirgefa spilapeningana sína og á eftir honum fylgdi Mikkalingurinn og tveir Bjólfsmeistarar því fyrstir út.

Hobbitinn náði ekki að hanga lengur og Kapteininn fylgdi honum (en fór þó ekki tómhentur heim eftir að hafa fengið tvær bjórgjafir).

Robocop byrjaði sterkur en hafði áhyggjur af því að taka bubble sætið en datt út áður en hann komst þangað og í staðin fékk Lucky heiðurinn af að missa af verðlaunasæti.

Massinn tók kvöldið og Ásinn í öðru

Spaða Ásinn og Massinn sáta þá eftir í lokarimmunni og skiptust aðeins á að hafa forystu…Massinn reyndi að fá Ásinn í að taka bara eitt spil fyrir sigurinn…hann tók því ekki og síðan þegar Massinn var orðinn stærri var minna um þær tillögur frá honum ;). Leikar enduðu þó að Massinn hafði sigur í fyrsta móti árins…enda hafði hann tekið Rain Man með sér en menn höfðu orð á því að Rain Man væri þarna til að halda þessu gangandi því sumir áttu í vandræðum með að skipta potti á milli sín og vildu bara að hann væri við borðið að redda þessu 😀

Lucky…þú ert Dustin Hoffman og ég er Tom Cruise 😂

Massinn

Massinn var einn af þeim sem hafði verið í hættu á að detta út fyrr um kvöldið með 99 þegar hann lenti á móti Lucky með KK og Bótaranum með AA…nýjurnar tóku það og lögðu grunninn að sigrinum og forystunni í Bjólfsmeistarabaráttunni og nú er óskandi nýjir menn fara að láta “gömlu” Bjólfsmeistarana svitna og sýna þeim að fleiri geta spilað til sigurs út tímabilið.

Fínn playlisti…eftir fyrsta lagið…það var frá konunni

Athugasemd á tónlistarval kvöldisins

Góð byrjun á þrettánda ár Bjólfs!

Read More