Pages Navigation Menu

Pókerklúbbur

Bjólfur XIII – fjórða kvöld

Bjólfsbræður í desember 2022

Tíu Bjólfsbræður mættu til Lucky á fjórða kvöldið og sumir létu sjá sig vel fyrir mót til að fá pizzu í tilefni afmælisdagsins…enginn pottur heldur kominn hérna…en gaman að fá menn aftur í hús eftir langt hlé og aðeins að hjálpa til við að drekka af krananum =)

Ég læt ekki saka mig um að svindla…hef aldrei gert það

Ónefndur Bjólfari

Það var ákveðin spenna fyrir titilbaráttunni þar sem ljós var að Massinn myndi ekki mæta og 5 stiga forystan hans myndi þá hverfa og þeir sem hafa mætt á öll mótin myndu taka frammúr honum.

Bjór

Það var 400% aukning í bjórstigum og eftir að aðeins eitt stig hafði skilað sér í hús þá komu þrjú stig í hús. Eru þá Bótarinn, Lucky, Ásinn og Robocop allir jafnir í forystunni um Bjórmeistaratitilinn.

Sjöa-tvistur heldur reyndar ítrekað áfram að koma eftir fyrstu 4 loturnar (fyrstu 2 tímana) og ef menn spiluðu ekki á það endaði það bara með að menn hentu frá sér húsi 😀

Þú hefur alltaf verið fífl

Ónefndur Bjólfari

Sögustund

Lomminn á góðri stund í sögunni

Það var ákveðin eftirvænting eftir sögustundum og nýjar sögur prufukeyrðar…allar verða svo sagðar síðar (og sérstklega í bústaðnum) þannig að það er gott að æfa þær 🙂

Vitiði hver var hjá Gísla Marteini í kvöld?…nei ekki segja…ætla að láta það koma mér að óvart 

Ónefndur Bjólfari
Sögustund í gangi

Spilið

Það var spilað á tvemur borðum og eitthvað af endurinnkaupum fyrir hlé…en eftir hlé hófst alvara spilsins og menn fóru að detta út.

Lomminn hafði safnað nokkrum spilapeningum og meðal annars fengið Lucky til að henda frá sér drottningum á hendi…en þessi langferð í póker endaði á því að hann varð fyrstu frá borðinu.

Mikkalingurinn var næsti maður til að standa upp frá borði og ákvað að hleypa enn meiri spennu í Bjólfsmeistarakeppnina þar sem hann var efstur af þeim sem mættu í kvöld.

Þá voru eftir átta og sameinað á lokaborð.

Lokaborðið + Lucky á bakvið myndavélina 😀

Robocop byrjaði svakalega þar sem enginn réð við hann og leit út fyrir að hann ætlaði að fara að endurtaka annað kvöldið í mótaröðinni en endaði svo þriðji út.

Spaða Ásinn var annar út á lokaborðinu en hann er einn fjögurra sem hefur mætt á öll kvöldin og er nú í fjórða sæti þar (aðeins tvemur stigum for toppsætinu).

Iðnaðarmaðurinn var búinn að leika á alls oddi en ná ekki lengra en 6. sætið og náði ekki að halda áfram á verðlaunabrautinni frá síðasta móti.

Hobbitinn varð að láta sér lynda 5. sætið og náði ekki að sýna sinn innri hobbita og hanga lengra.

Timbrið náði að sjá í gegnum Lucky þegar fjórir tíglar voru í boði og sjá með 8 í þeirra von að Lucky væri með lægri tígul…sem reyndist rétt því hann var ekki með neitt. Um það leiti var Timbrið kominn með stæðsta staflann fyrir framan sig en nokkrum spilum seinna hafði það breyst og steig frá borði í 4. sæti.

Kapteinninn heldur áfram að daðra við verlaunasæti og tók bubble sætið í kvöld. En hann hefur mætt á öll mót og tók forystuna í titilslagnum.

Þá var lokarimman á milli Lucky og Bótarans.

Sigurvegarar kvöldsins

Lucky var búinn að vera að spila vel á heimavellinum og leit út fyrir að “húsið vinnur alltaf” gæti staðist. Nældi sér í bjórstig, tapaði góðum stafla til Timbursins en vann hann svo aftur…fékk afmælishöndina sína ítrekað.

Bótarinn hafði spilað gott mót…gosar höfðu verið að sýna sig í kvöld og eftirminnileg hönd var þegar Bótarinn var með fjóra gosa á mótu fullu húsi hjá Robocop fyrr um kvöldið.

Lokarimman var með blinda í 5þ/10þ þannig og spiluðu þeir hratt og nokkuð margar hendur. Lucky var mun stærri þegar rimman byrjaði en það breyttist fljótt og Bótarinn fór að vinna á.

Tvisvar kom það fyrir að þeir voru báðir allir inn, báðir með Ás-Fjarka og split.

Lucky varð á endanum að játa sig sigraðan og tók annað sætið sem og annað sætið í titilbaráttunni ásamt Bótaranum.

Bótarinn tók sigurinn sem átti það vel skilið eftir að hafa hitt á 44 fyrr um kvöldið (afmælisárafjöldann hjá Lucky sem hann hafði lofað að fara allur inn á).

Vel bolaðir á kantinum

Titilbaráttan

Massinn setti spennu í titilslaginn og Mikkalingurinn líka með að hleypa öðrum að…af þeim sem hafa mætt á öll mót (og eru enn líklegri en aðrir til að taka titilinn) er staðan hnífjöfn og aðeins 3 stig sem skilur að fyrstu 5 sætin:

  • 65 stig – Kapteinninn
  • 64 stig – Eiki Bót
  • 64 stig – Lucky Luke
  • 63 stig – Spaða Ásinn
  • 62 stig – Mikkalingurinn

Frekari upplýsingar á stigatöflunni.

Yndislegt kvöld eins og alltaf og sjáumst næst á Boðsmóti Bjólfs í janúar.

Hann er svartsjúkur

Ónefndur Bjólfari

Leave a Comment

Your email address will not be published. Required fields are marked *

  1. Egill bluffaði Masann og nýtt spil komið í gang. "you fool me once..." svo bara veit ég ekk rest. en…

  2. Stórkostleg skemmtun og gott að hafa þennan punkt til að halda uppi minningu Jennýjar Lilju. Ást og friður. þið eruð…

  3. Boðsmót Bjólfs verður haldið föstudaginn 13. janúar á Rauða Ljóninu. Spilið mun hefjast klukkan 19:30 en spilarar eru hvattir til…